Paraire, te 21 o Hune, 1895.

No te hawhe-paahi i te rua karaka ka huihui te Whare.

Ka noho te Tepute-Pika ki runga ki tona nohoanga.

Ka karakia te Whare.

Muri iho ka tahuri te Whare ki te whakatu i etahi o nga Komiti mo te Whare. Tekau ma whitu nga Komiti i whakaturia i tenei ra. Ka mutu era ka tu te korero a te Whare mo Ta Hori Kerei e ngaro atu nei i tona nohoanga i te Whare i a ia e noho mai nei i Ingarangi. Na te Pirimia te motini ki te Whare kia whakaaetia taua kaumatua kia ngaro atu i tona nohoanga i tenei huihuinga o te Paremete. Ka roa e korero ana te Whare ka whakaaetia te motini a te Pirimia. Ka mutu tera ka whakahaere te Whare i etahi atu mahi.

No te hawhe-paahi i te tekau karaka i te po ka hiki te Whare.