Turei, te 1 o Oketopa, 1895.
Pire Taiapa.

H. K. Taiaroa.—E motini ana au. Kia tukuna te Pire kia komititia ano, kia taea ai te whiriwhiri ano i nga tikanga o te tekiona 3. Kua tonoa mai ki au kia whakatikaia taua tekiona. Ko taku menemana kei te rarangi (2) o te tekiona 3, e penei ana, ara:—

"Ahakoa nga tikanga o roto o tenei tekiona, me kaua tenei Ture e pa ki nga whenua a nga Maori e maharatia ana e te Minita e tika ana i runga i tana Panui kia wehea atu kia kaua e pangia e nga tikanga o tenei Ture."

Te Omana.—E mea atu ana au ki te Kaunihera kia kaua e komititia ano te page 10tekiona 3, notemea e whakapuare ana te motini a Taiaroa i nga putake nunui rawa, a tera e waiho hei take whakararuraru mo te Kawanatanga, a ma te mahi nui ki te patapatai me te whiriwhiri i nga putake e taea ai te rapu he tikanga.