.gif)
Nga Korero Paramete: 1891-1895
Paraire, te 26 o Hurae, 1895
Paraire, te 26 o Hurae, 1895.
Rahui O Hokitika.
H. K. Taiaroa. —He motini atu tenei naku, "Kia whakatakotoria ki te teepu o tenei Whare he pukapuka whakaatu i nga mgoa o nga tangata e riihi ana i nga rahui Maori i Hokitika, i Arahura, me Kereimauta, me te nui o te moni utu ma ia tangata; me te whakaatu mai i nga tekiona i aua rahui kaore nei i te retia inaianei." Ko te take i patai atu ai au he kore no nga Maori whaitake ki aua rahui e mohio kei te pewhea ranei nga riihi. E mahara ana hoki ratou ko etahi o nga wahi o aua rahui kaore i te riihitia, a kaore i te puta mai he oranga.
Te Pakere. —Kia puta mai nga pukapuka i te Whare perehi a te Kawanatanga ka taea ai te whakaatu nga take e tonoa mai e te Mema honore na. Kei te mahia mai te ripoata inaianei. Heoi ano te mea pakeke ko nga tekiana kaore i te retia. E kore pea e taea tera te mahi.
Whakaaetia ana te motini.
Pire Taone Maori.
Ripoata a te Komiti mo nga Mea Maori o te Kaunihera, mo runga mo te Pire Taone Maori:—
"Kua ata whiriwhiria e te Komiti nga tikanga o te Pire Taone Maori, kua rongo hoki i nga korero i whakina atu mo runga mo aua tikanga. E mahara ana te Komiti me whakamana te Pire i runga i tona ahua kua whakatikaia nei e te Komiti, e tukuna tahitia atu nei te kape o te Pire."
"H. Wiremu, Tiamana.
"1 Akuhata, 1895."Whangara.
Ripoata a te Komiti ino nga mea Maori o te Kaunihera, mo Whangara:— "Kua ata whiriwhiria e te Komiti nga putake o te Pitihana a etahi o nga Maori whaitake ki Whangara Poraka, me te pukapuka a Tiati Patene te Kaiwhakawa o te Kooti Whakamana, kua rongo hoki te Komiti ki nga whaikorero a etahi o nga Kaipitihana, a kua penei te whakatau: Kaore i whakaaturia mai he take e tika ai kia tahuri te Paremete ki te whakararuraru i te whakataunga a te Kooti Whakamana mo runga mo Whangara Poraka."
"H. Wiremu, Tiamana.
"29 Akuhata, 1895."