No te hawhe-paahi i te rua karaka ka noho te Tumuaki ki runga ki tona nohoanga.

Ka mutu te karakia

Ka panuitia tuatahitia etahi Pire, a panuitia tuaruatia, tuatorutia etahi atu Pire, ka mahia hoki etahi atu mea. Ka mutu era.

Mo Nga Hoko Whenua.

Ko Te Makenehi (Hon. J. McKenzie, Minita mo nga Whenua).—I whakatakotoria e ia ki runga ki te teepu o te Whare etahi pukapuka, e pa ana ki nga whakahaere hoko whenua o tenei tau, a te Tari mo na Whenua, i runga i nga ritenga o te Ture. I whakaatu hoki ia, kei roto i aua pokapuka te hokonga o tetahi whenua ko Pomahaka te ingoa, he hiahia nona kia mohio nga mema honore ki tenei, kia korero ai ratou i nga pukapuka, notemea tera e takoto he motini mana mo taua mea a te Turei e haere ake nei. Ka motini ia inaianei kia takoto aua pukapuka ki runga ki te teepu o te Whare.

Whakaaetia ana taua motini.

Muri iho ka whakahaerea ko etahi patai a nga mema Pakeha. Ka mutu era, ka tae ki tetahi patai mo.

Nga Moutere O Resolution Me Hauturu.

Ko W. Te Hatihana (Mr. W. Hutchison).—Ka patai ahau ki te Minita mo nga Whenua, mehemea kei te pehea te whakahaere o nga ritenga e kiia nei me rahui a Resolution Island, he moutere tenei kei te pito whakarunga o Te Waipounamu, a e meatia nei hoki me rahui a Hauturu, he moutere tenei kei te pito whakararo o Aotearoa, hei kainga whakamatauranga aua moutere e rua i te whakatupu haere i nga manu Maori o nga motu nei, kei ngaro; a mehemea ranei kua tae mai he ripoata hou ki te Kawanatanga, e whakapai ana e pehea ana ranei, mo taua mea? Mehemea kaore kau he ripoata hou, ka whakaae ranei te Minita ki te whakahau kia tuhia he ripoata, a kia whakatakotoria ki te aroaro o te Whare?

Ko Te Makenehi (Hon. J. McKenzie, Minita mo nga Whenua).— Koia tenei taku utu atu mo taua patai I te mea katahi tonu ka whakaritea he Kai-tiaki mo te moutere o Resolution kaore ano taua apiha i whai taima ki te taku ripoata mai. Ko te mahi tua i nga ngaherehere o Hauturu kua whakamutua. Kaore ano i pau i te Kawanatanga te hoko o nga hea o taua motu, na reira kaore e tino taea te whakamutu o te pupuhi a nga Maori i nga manu o reira hei kai ma ratou, a kei te kino hoki nga Maori ki te whakanohoanga i tetahi Kai-tiaki ki reira. Otira kei te pai te whakahaere a taua apiha i ana mahi; ki toku mohio, ana pau i te Kawanatanga te hoko o nga paanga katoa o nga Maori o Hauturu, katahi pea ka tino taea e te Kawanatanga te tiaki nga manu Maori o taua moutere.

Ka mutu te patai mo nga moutere e mau ake nei, ka whakahaerea ko etahi atu patai a nga mema Pakeha. No te mutunga o era ka tahuri te whare ki te whakatu i nga Komiti. Ka mutu te whakatu i nga Komiti mo nga Whenua o te Karauna, mo nga Pitihana Pakeha, mo nga Mahi Kari Koura, mo nga Mahi Paamu me etahi atu mea. katahi ka whakaturia ko:—

Te Komiti mo nga Mea Maorl— Koia tenei nga mema o taua Komiti. Te Karimana (Hon. A. J. Cadman), Te Kanera (Mr. Carnell), Timi Kara (Hon. J. Carroll), Meiha Harihi (Major Harris), Hone Heke, Te Hutana (Mr. Houston), Te Kere (Mr. W. Kelly), Te Ranga (Mr. Lang), Te Miterehana (Hon. E. Mitchelson), Tame Parata, Wi Pere, Kapene Rahera page 11(Captain Russell), Ropata te Ao, Te Patene (Mr. Button), Te Tiwini (Mr. J. Stevens), Ta Ropata Taute (Sir Robert Stout) me Te Hetana (Hon. R. J. Seddon). Ka mutu te whakatutu i nga Kemiti, ka whakahaerea ko etahi Pire, a ara noa te Whare i mua tata o te weherua.