.gif)
Nga Korero Paramete: 1891-1895
Wenerei, te 5 o Hepetema, 1894
Wenerei, te 5 o Hepetema, 1894.
University Scholarships Mo NgA Maori.
Ko Ta RopaTa Taute (Sir R. Stout).—I patai ia ki te Minita mo nga Kura, mehemea e kore ranei e whakaritea e ia he tikanga e hoatu ai etahi moni e te Kawanatanga hei utu ara hei whakauru i etahi o nga Maori me nga haawhe kaihe ki nga Kareti Nunui o te motu? Tera etahi Maori kua akona i te Kareti i Katapere, a he maha o Te Aute Kareti, e haere ki aua Kareti Nunui mehemea e puare ana he ara. Me wehe e te Kawanatanga kia £150 kia £200 ranei i te tau mo taua tikanga. Me whakapuare nga Kareti Nunui o Poneke me Akarana. Otira ko to Akarana pea te mea pai, he tata hoki ki te nuinga o nga Maori, a he wahi ora hoki. Ki te whiriwhiria e te Minita tenei mea he painga nui e puta ki te iwi Maori.
Ko Te Riiwi (Hon. Mr. Reeves).— He pai taua tikanga, he tika ano hoki. Ka whakatakotoria e ia taua mea ki te aroaro o tona hoa o te Minita mo te taha Maori. He painga nui e puta ki te Maori i runga i taua tikanga.
Pire Mo Te Ngaere Me Etahi Atu Poraka.
Ko Te Makenehi (Hon. Mr. J. McKenzie).—I motini ia kia panuitia tuaruatia tenei Pire, ko te tikanga o taua Pire he whakatikatika mo etahi raruraru i pa ki tetahi whenua i hokona e te Kawanatanga i nga Maori, ko Te Ngaere te ingoa o taua whenua.
Ko Hone Heke.—I tautoko ia i tenei Pire, i pai ia kia paahi, notemea he tikanga marama tera. Ka pai rawa ki a ia mehemea ka whakaurua atu e te Minita etahi atu poraka e takoto raruraru ana ki roto ki taua Pire. Tenei ano te roanga atu o ana korero.
Ko Tame Parata.—Ki tana whakaaro me tuku atu tenei Pire ki te Komiti mo nga Mea Maori. Koira te huarahi tika. Ehara tana i te turaki i te Pire, heoi tana he tono kia tukuna atu te Pire kia whiriwhiria e te Komiti.
Ko Timi Kara (Hon. Mr. Carroll). —I whakaatu ia ki
te Whare kua maha nga taenga o tenei mea ki te aroaro o te Komiti mo
nga Mea Maori, a kua page 26
pau katoa ona tikanga te whiriwhiri e taua Komiti, a ki te
whakaaro a taua Komiti, mehemea ka hokona taua whenua e te
Kawanatanga me pupuri nga moni, a me mahi he ture e te Whare kia
whai mana ai te Kooti Whenua Maori ki te whakawa i taua whenua, a ki
te kimi kowai nga tangata ma ratou nga moni.
Ko Te Hetana (Hon. Mr. Seddon). —Ki tana whakaaro he turikore rawa te mahi a te Komiti mo nga Mea Maori, a mehemea e mea ana ratou kia mate tenei Pire, koia tera te huarahi e mate ai me tuku atu ki te Komiti. Otira kua tino whiriwhiria tenei Pire, kei te mohiotia katoatia ona tikanga, a kaore kau he mea kino o roto. Heoi ano nga poraka e pa ai taua Pire ko nga whenua e mau nga ingoa i te Rarangi Apiti ki te Pire.
Heoi paahitia ana te Pire e te Whare.