Paraire, te 31 o Akuhata, 1894. Tawhiao.

No tenei rangi ka patairia te patai e mau ake nei, i te mea kua tae mai te rongo kua mate a Tawhiao. te rangatira nui o Waikato.

Ko Mehia Harihi (Major Harris). —He kupu taku, tera tetahi kaipuke e rere ki Akarana a tenei ahiahi, a i te mea e haere ana te mema honore mo te Takiwa o Te Pei o Pereti ki Akarana i runga i taua kaipuke, e hiahia ana ahau ki te patai, mehemea ranei kua whakaritea taua mema honore hei kanohi mo te Kawanatanga ki nga uhunga mo Tawhiao. I mea atu ai ahau, he ata tupono no te haere a taua mema ki Akarana i tenei taima, na mehemea e hiahia ana te Kawanatanga kia kitea he tangata mo te taha ki a ia ki nga uhunga me nga tangihauga mo Tawhiao, he pai rawa kia whakaritea taua mema hei pera.

Ko Te Hetana (Hon. Mr. Seddon). —Kua oti te whakarite e te Kawanatanga ko te Apiha a te Kawanatanga i Waikato hei tu i taua turanga. Kaua te mema mo te Pei o Pereti e pouri mo tona korenga i whakaritea e te Kawanatanga, kaore hoki to Kawanatanga i mohio kei te haere taua mema ki taua uhunga.