Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1891-1895

Wenerei, te 22 o Akuhata, 1894

Wenerei, te 22 o Akuhata, 1894.

No tenei ra ka whakahaerea te patai e mau ake nei mo:—

Nga Maori Kaoe E Utu Ana I Nga TaaKe Kuri.

Ko W. Te Hatihana (Mr. W. Hutchison).—Ka patai ahau ki te Minita mo te taha Maori, mehemea kaore ano i tae mai ki a ia tetahi kupu mo te whare-hereheretanga o etahi Maori i Akarana mo to ratou korenga e utu i te taake kuri? Mehemea he tika he aha te take i rere ke ai te whakahaere mo nga Maori, i rere ke ai mo nga Pakeha, mo runga i te aronga o nga taake takiwa. I mua noatu, ara, i te tau 1872, i whakaatu ano ahau ki te Kawanatanga i tetahi keehi penei, i te wa i whakaekea ai a Parihaka, a i wharehereheretia ai etahi Maori. Engari kei te mahara tonu ahau i kiia ano i reira e kore e tuaruatia taua tikanga. Engari kua kite ahau i roto i nga ripoata nupepa kua peratia etahi Maori i Akarana. Na e mea atu ana ahau ki te Minita mo te taha Maori me kaua e rereke te tikanga mo tetahi iwi i to tetahi iwi, engari kia rite tahi te whakahaere i nga iwi e rua mo nga reiti takiwa. Kaore kau i te tika kia uru atu nga pirihimana ki te tautoko i nga ropu takiwa, a ki te kohi-page 24kohi i a ratou reiti. Engari ia, he aha koa pehea, ko nga mahi e meatia ana ki nga Maori mo nga taake kuri, mo etahi atu taake ranei. me mea tahi hoki ki te Pakeha.

Ko Te Hetana (Hon. Mr. Seddon). — Ka ki, ko te whakaatu mai tenei a te Hekeretari mo te tari mo nga Ture: "Kaore ahau i te mohio i wharehereheretia etahi Maori i naia tata ake nei mo te korenga i utu i te taake kuri. A, kaore hoki ahau i te mohio i rere ke te whakahaere mo ratou i nga whakahaere mo nga Pakeha."

Ko W. Te Hatihana (Mr. W. Hutchison).—E tino koa ana ahau i toku rongonga e pena ana te ahua.