Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1891-1895

Wenerei, te. 25 o Hurae, 1894

Wenerei, te. 25 o Hurae, 1894.

Horowhenua Pokaka.

No te 25 o Hurae i runga i te motini a Kapene Raera, whakahaua ana kia whakatakotoria ki te aroaro o te Whare te ripoata a Te Maketanara (Mr. T. K. Macdonald) mo Horowhenua Poraka Nama 11.

Ka mutu tera me etahi atu mea ka patai a Tame Parata mo:—

Nga Maori O Te Waipounamu.

Ko Tame Parata. — Ka patai ahau ki te Minita mo nga Mea Maori, mehemea ranei ka whakahaerea e ratou ko tona Kawanatanga tetahi ritenga hei whakatikatika i nga Ture Whenua Maori, kia ahei ai nga, Maori me nga hawhe-kaihe o te Waipounamu ki te whakawhitiwhiti i o ratou whenua kia ratou ano, a kia whakakorea atu ai nga here me nga mea e whakararuraru nei e whakauaua nei inaianei i taua tu mahi.

Ko TImi Kara (Mr. Carroll).—Kua tuturu i te Kawanatanga me whakahaere tetahi tikanga pera te ahua me ta te mema honore e whakaatu mai nei. Ka whakaurua he rarangi ki roto ki te Pire Kooti Whenua Maori, kia mama ake ai nga huarahi e taea ai e te Maori te whakawhitiwhiti i o ratou whenua.