Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1891-1895

Poneke, Taite, te 21 o Hune, 1894

Poneke, Taite, te 21 o Hune, 1894.

No tenei ra, no te hawhe-paahi i te rua karaka ka huihui te Whare.

Ka tae mai te kupu whakaatu a te Whare o Runga, e penei ana:—

Ko nga Komihana Honore kua oti nei te whakamana e Te Kawana hei tangata whakahaere, i runga i tona ingoa, i te whakakatuwheratanga o te Tekau ma rua o nga Paremete o Niu Tireni, e tono ana kia haere atu nga mema o te Whare o Raro ki te Whare o Runga, kia rongo ratou i te korerotanga o te Panui a Te Kawana. I runga i taua karanga haere ana nga mema o te Whare o Raro, me te Karaka hoki o te Whare, ki te Whare o Runga; a, ka mutu te korero o taua Panui, ka whakahaua ratou kia hoki ki to ratou nei Whare, ki reira whakatu ai i tetahi Tumuaki mo ratou, a kia oti ia ratou te whakatu o tetahi Tumuaki mo ratou, me arahi atu e ratou taua tangata ki te Whare o Te Kawana a te Paraire.

Heoi, hoki ana nga mema ki to ratou nei Whare.

No te taenga ki reira hoatu ana e te Karaka mo nga Riti ki te Karaka o te Whare te rarangi o nga ingoa o nga tangata kua pootitia e te iwi hei mema mo tenei Paremete.

Ka mutu tera, ka oatitia e te Karaka o te Whare nga mema, a ka hainatia e ia mema tona ingoa ki te pukapuka o te oati. Ka mutu tera, ka haere ia mema ki tona nohoanga.

Tokorua nga tangata i whakaaria hei Tumuaki mo te Whar Fe, a no te pootitanga tu ana ko Sir George Maurice O'Rorke, hinga ana ko Honourable Major Steward.