Wenerei, te 5 o Hurae, 1893.
Pire Arai I Te Mahi Hoko Waipiro Ki Nga Tamariki.

Taipua.—He nui toku koa i au e tautoko ana i tenei Pire ite mea hei painga tenei mo nga iwi e rua. Otiia ko te mea tika ma te Kawanatanga tonu e kawe mai i enei tu Pire katahi ka pai, kaua e waiho ma nga mema noaiho. He aha koa, me tautoko tatou katoa. Kua kite hoki au i nga matua e unga ana i a ratou tamariki ki te haere ki nga Paparakaihe ki te tiki rama, pia aha ranei, a he nui te whakama mo tenei tu mahi, me tutaki rawa. He Pire pai rawa tenei mo toku takiwa inahoki e rima rawa nga hoteera kei reira, ahakoa he toko iti noaiho nga tangata. Pai atu ahau mehemea ka paahitia tenei Pire hei tiaki ia tatou tamariki.

Paahitia ana taua Pire.