.gif)
Nga Korero Paramete: 1891-1895
Nga Rahui O Mawhera Me Etahi Atu RahuI Maori
Nga Rahui O Mawhera Me Etahi Atu RahuI Maori.
Tame Parata.—E patai atu ana ahau ki te Kaitiaki o
nga Moni o te Koroni mehemea kia whakahaua te Kaitiaki o te Katoa e
ia kia utua nga moni reti o nga koata tau o nga rahui o Mawhera me
Arahura me etahi atu rahui ara kia rite tonu nga utunga i roto i ia
koata tau. I whakaritea hoki me utu page 75
koata tau nga moni reti, a i mahara
nga Maori ka pera tonu te utunga ki a ratou me ta ratou nama taonga
i nga toa a nga Pakeha, a mehemea kahore te Kaitiaki mo te Katoa
tana kaiwhakahaere ranei e utu i nga moni reti i runga i te ra i
whakaritea ai ka tahuri te hunga na ratou i tuku i aua nama ki te
hamene i nga Maori. Akuanei i runga i te roa o te Kaitiaki mo te
Katoa ki te utu i aua moni reti he mea ano kaore e puta nga moni o
tetahi koata kia tae rano ki te mutunga o te koata i muri iho. A i
nga Maori e tatari ana ka tahuri nga Pakeha mahi toa ki te hamene i
nga Maori, a ka haere nga Maori ki nga Pakeha tuku moni ki etahi
moni ma ratou hei utu i a ratou nama me te whakaeke e aua Pakeha kia
pena te taumaha o nga hua mo a ratou moni a he mea ano ka moketetia
e nga Maori o ratou whenua.
Te Waari.—E pouri ana ahau i te mea kua rongo ahau e moketetia ana e nga Maori o ratou whenua hei utu i a ratou nama. E whakaaro ana ahau tera e mau tonu tenei tu ahua whakahaere no te mea he mea uaua rawa te whakarereke. I muri iho o te rironga mai o nga moni reti ka wehewehea aua moni ki nga tangata whai take ki aua moni, a tekau nga ra e pau ana i muri iho o te mutunga o te koata te taea ai te tuhatuha i aua moni. Ki taku mohio e kore e taea te arai i taua roa o te tukunga i nga moni ahakoa te hiahia o te Kawanatanga ki te whakarite i ta te mema e korero mai na. Otira ki taku whakaaro kei te tae tika atu nga moni ki nga Maori i roto i nga wa.