Nga Korero Paramete: 1891-1895
Nga Kaiwhakamaori O Te Paremete
Nga Kaiwhakamaori O Te Paremete.
I te pootitanga i te moni £3,662.
Ta Teone Hooro.—E patai ana ahau heaha nga moni i tangohia i roto o tenei?
Te Hetana.—Kua patua tetahi o nga Kaiwhakamaori, a kua apititia e £50 mo te mea kotahi.
Ta Teone Hooro.—Me matua whakaatu tenei ki nga mema Maori, i te mea e pa nui ana te ritenga o nga Kaiwhakamaori ki a ratou.
Te Hetana.—Heoi ki te kore te Whare e pai ki ta te Kawanatanga i whakarite ai, kati me mau tonu nga Kaiwhakamaori e rua. Ki taku mohio, kaha noa atu te mea kotahi.
Ta Teone Hooro.—E tino tika ana kia tokorua nga Kaiwhakamaori. Kotahi mo roto o te Whare, kotahi mo waho.
Te Hetana.—Mehemea ka riro mai nga Kaiwhakamaori tokorua mo tenei moni heaha te he?
Ta Rapata Taute.—Kore rawa e kaha te mea kotahi i te nui rawa o nga mahi, nga Pire me era atu tini mea tae noa ki te mahi o te Komiti Maori.
Te Hetana.—E tika ana, me whai tokorua ano i te wa e tu ana te Paremete. Mehemea ka whakamahia aua tangata i te wa kahore i te noho te Paremete, e pai ana kia tu tokorua a me utu £250, mo ia tangata, mo ia tangata ki te kore tera e taea, heoi me whakarite tikanga kia haere mai nga mea tokorua mo tetahi moni iti iho.
Te Tumuaki.—Me whakaatu ahau i tenei ritenga ki te Whare. I whakaturia enei Kaiwhakamaori i runga i te tikanga mahi ano te wa e tu ana te Paramete anake, a e kore e tika kia whakahokia iho ta raua utu.
Te Hetana.—Erangi kua whakamutua e te Kawanatanga taua mahi inaianei, me timata he ritenga hou.