Taite, te 29 o Hune, 1893.
Na Pire Maori.

Taipua.—Patai ana ki te Kawanatanga Mehemea ka Whakamaoritia tonutia inaianei me te tuku atu ki nga wahi katoa o te motu nga Pire Maori katoa e whakaarohia ana kia homai e te Kawanatanga. Kua page 14rongo hoki ahau kei te haeremai nga Pire Whakahaere i nga Maori me a ratou whenua koia ahau e tohe nei kia tere tonu te whakamaori me te tuku tuku ki nga kainga Maori katoa. Ko te mahi tuturu hoki i roto i enei tau katoa kua hori ake nei, he whakaroa tonu kia tata te mutu te Paramete katahi ka kokiritia mai nga Pire Maori kino, ka aki akina kia tere te paahi, ahakoa kaore ano nga mema i whai wa ki te ata tirotiro kia mohio ai ratou ki nga ritenga o aua mea. Tona tukunga iho nui atu te raruraru. Tetahi he, no te waihotanga kia tata tonu te mutu o te Paramete, kua hoki atu te nuinga o nga mema ki o ratou kainga, toru toru noa nga mea i noho ki te mahi i aua Pire. Ko toku tino hiahia mehemea kei te haere mai he Pire Maori, me whai taima ki te tirotiro; tuarua me pai rawa te whakahaere i runga i te ngakau pono tika hoki.

Timi Kara.—Ae kua puta te whakaatu a te Kawanatanga tera e homai he Pire Maori i tenei tau. A tera hoki e whakahaerea he tikanga kia hohoro te tuku mai kia tere hoki te whakamaoritia.