Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1891-1895

Te Kooti Maori Ki Otorohanga

Te Kooti Maori Ki Otorohanga.

Ki Hiara.—Patai ana ki te Minita ko awhea whakatuwheratia he Kooti Whenua Maori ki Otorohanga i te mea kua whitu marama e tutaki ana taua Kooti inaianei, ahakoa kahore nga tangata i pai kia tutakina, a e kore e mohiotia ko awhea ra puare ai.

Timi Kara.—E penei ana te ahua inaianei: Ko nga Tiati kei wahi ke e mahi ana a tera e maha nga marama e pera ana ratou na reira e kore ratou e watea te haere ki Otorohanga. Otira ma te Kawanatanga e whakaaroaro.

"Ki te Honore Minita Maori.

"I runga i te Waipuke nui me te Waipuke hoki i te marama o Hanuere kei te page 33mate rawa atu nga Maori e noho ana i nga taha taha o Waikato awa i Onewhero, tae atu ki Ngaruawahia, i nga parenga o te awa o Waipa tae atu ki te ngutu awa o Puniu me Whatiwhatihoe e tata ana ki Areka. Ko te awa hoki o Puniu te rohe ki tai o Te Rohe Potae, na kanui te whai whenua etahi o enei Maori kei roto i taua poraka a ka taea ano o ratou te whakaora i a ratou, ara me tahuri ki te hoko i etahi wahi o a ratou whenua otiia ko etahi o ratou, he paku noa a ratou whenua pena me era e noho mai na i Te Puhi Teihana me etahi o Ngatiapakura kei Kahotea. Kua oti katoa taku tohutohu atu kia Te Heteretini Heketari mo nga Maori i mate i nga waipuke nei. Ko ta nga Maori i pai ai, he riwai hei kai ma ratou, he riwai purapura hoki i te mea kua tata mai te Koanga. Ko etahi hoki o nga Maori ki te hiahia ki te mahi rori a he tika rawa kia whakapaia nga rori o Kawhia o Rakarana me Waipa.

"Na Hori Wirikihana,

"Otorohanga."

Kua penei te waea kua patua atu:—

"24 o Akuhata, 1893.

"Kia Hori Wirikihana, Otorohanga.

"I runga i te waea mai kia Timi Kara kua whakamana te Tari Ruri i Akarana ki te whakapau i nga moni £100 i te mahi rori hei oranga ma nga Maori mate kai i Whatiwhatihoe, a ma te kaiwhakahaere o te rori ki Taranaki e noho ana ki Otorohanga e hoatu he mahi ma nga Maori ki taua rori. Kia tere to whakaatu mai mehemea tera atu etahi Maori e mate ana kia tukua atu he ora ma ratou. Mau tonu e whakaora i nga mea e tino mate ana inaianei tonu.

"Na Te Heteretini."

Na kua tae atu he tohutohu ki te tari kia mataara ratou ki te awhina i nga Maori e pangia ana e te mate.