Nga Korero Paramete: 1891-1895
Wenerei, te 16 o Akuhata, 1893
Wenerei, te 16 o Akuhata, 1893.
Nga Maori Whenua Kore KeiTe Waipounamu.
Tame Parata.—E patai ana ahau ki te Pirimia ko awhea whakahaere ai te page 30Kawanatanga ki te whakaoti oti i nga ritenga tuku whenua ki nga Maori o Te Waipounamu e mate ana i te whenua kore? Kaore ano kia tukua atu e ta Kawanatanga tetahi kupu whakahoki ki nga Maori e tono pera ana.
Timi Kara.—Ka tere tonu te tuku tikanga a te Kawanatanga hei whakaoti rawa i enei mea katoa, engari e mohio ana te honore mema nana te patai nei kei te rere tonu mai nga Kereme me nga tono whenua a nga Maori, a e kore e pai kia tutakina aua tono kei mahue ki waho etahi tangata. Engari ka tino tangohia tenei mea e te Kawanatanga ki roto ki o ratou ringaringa a ka whakaotia rawatia ana mutu te noho o te Paremete.
Wairarapa Moana.
Ko Tame Parata.—Patai ana ki te Kawanatanga, mehemea tera ratou e whakahaere ritenga hei whakamana i te ripoata o te Roiara Komihana i hanga ai mo nga kereme a nga Maori ki nga moana o Wairarapa me nga whenua e patata ana ki era a ko taua Ripoata kua oti te homai ki te Whare, kua perehitia a kei roto i te Pukapuka G.-4. Paremete 1891. Na nui atu te hiahia o nga Maori kia rongo ratou ka pewhea te whakaaro o te Kawanatanga mo tenei ripoata.
Timi Kara.—Kua puritia te Whakatau, ara kua tarewa tenei mea i te mea kua tae te tono ki te Piwiri Kaunihera. I hiahia ano te Kawanatanga i te tuatahi kia kite i nga Maori mo runga mo tenei raruraru, otiia kaore nga Maori i pai mai, kihai i ahu mai, ahakoa e mohio ana ratou ki nga whakaaro o te Kawanatanga. I hiahia ke ratou ki te haere ki roto ki te Kooti whakawa.