Nga Korero Paramete: 1891-1895
Turei, te 18 o Hurae, 1893
Turei, te 18 o Hurae, 1893.
Rahui Maori I Waiaueahiri Me Tautuku.
Tame Parata.—Patai ana ki te Minita Maori mehemea kua whakamana e te Kawanatanga nga rohe i oti te whakatakoto e maua ko Te Karimana mo nga rahui Maori i Waiaurahiri me Tautuku rahui me nga rohe whakanukuhanga kua oti nei te whakatapu mo nga tangata kore whenua o Te Waipounamu?
Ko Mekenehi e mea mai ana kihai ano kia tuturu nga rohe e te Kawanatanga. Kei te whakaaro tonu te Kawanatanga i taua take inaianei.
Waea I Omapere Ki Te Waitapu.
Ko Kapa.—Patai ana mehemea ka uiui te Minita mo nga Poutapeta mei kore e taea te whakamaro atu i te waea i Omapere kia tae ki Te Waitapu Hokianga?
Te Waari.—E hara te mema nana te patai nei i te tangata au au ki te tonotono no reira he nui toku hiahia ki te whakaae ki tenei mea ana, otiia he nui rawa te moni e pau mehemea ka mahia tenei mea, a he kore rawa te moni e hoki mai, a he nui toku pouri i te mea e kore au e kaha ki te whakaae.
Whenua I Waiau Awa.
Tame Parata.—Patai ana ki te Minita Whenua mehemea he pono kua puta te whakahau o te Komihana Whe-page 18nua Karauna i Te Parawhe kia ruritia ki waho te 300 eka kei roto i te 1,700 eka i Waiau, ahakoa kua oti te whakaae ma nga Maori taua whenua?
Ko J. Mekenehi.—E hara i te korero pono taua korero. Kua oti te whenua (1,700 eka) te whakatapu ma nga Maori whenua kore, a ko te whenua (te 300 eka) e ruritia ana inaianei, kei waki ke. He pohehe te take pea i mahara ai nga tangata, kei te tangohia te 300 eka i roto o taua rahui.
Te Pitihana O Meiha Keepa Te Rangihiwinui Ma.
I runga i te motini a Kapa, whakaaetia ana kia whakatakototia te kape o te pitihana a Te Keepa Rangihiwinui me ona hoa ki te aroaro o te Whare.