Pire "Whakamarama Rehita Hoki I Nga Tikanga Tiaki Maori Me Nga Tono.

H. K. Taiaroa.—E koa ana au mo te kupu a te Pakere i M mai nei ia ka tukuna tenei Pire ki te Komiti mo nga mea Maori. Ki taku titiro he putake page 8nui rawa enei e mau i te Pire nei, a ki taku titiro e tukuna ketia ana e tenei nga tikanga o roto o etahi Karauna karaati me etahi tiwhikete. E mea ana teuei ka tangohia nga whenua kua tau nei ki etahi tangata i raro i te mana o nga Karauna karaati. E mohio ana ano au lie kaitiaki etahi tangata mo te nuinga o te hunga whaitake, engari pea tera e pa nga tikanga o tenei Pire ki nga whenua kua tau ki nga tangata o roto o te karaati, ki a raton me o ratou uri. E mea ana hoki te Pire nei kia wehewehea te whenua ki etahi atu Maori. E mea ana hoki tenei kia kaua e pa nga tikanga o te Pire ki nga whenua kua hokona e nga kaitiaki ki etahi Pakeha. Me ata whakamarama atu e au. Me whakahua ake e au tetahi whenua ko Manganui, he mea i whakataua ki nga tangata tahi tekau, a hokona ana e aua kaitiaki ki te Pakeha ki te Kawanatanga ranei. Na tera ano pea tetahi poraka me whakahua e au ko Mangatua. He kaitiaki pea etahi o nga Maori mo taua poraka, a i raro i nga tikanga o tenei Pire, ka taea te wehewehe taua whenua ka tuku atu ai ki nga Maori tahi mano; na ko tera poraka kua hokona ra, e kore tenei Pire e mana ki te whakatika i taua raruraru. Ko nga tangata whaitake ki tetahi poraka ka whiwhi ki te oranga mo ratou, a ko nga tangata whaitake ki tetahi poraka ara ki te mea kua hokona e kore e rnaharatia to ratou raruraru. E kore e korerotia nuitia e au nga rarangi o te Pire, kaore ano hoki au kia kite i te whakamaoritanga tika o tenei Pire. Kaore ano au kia tino marama ki nga tikanga o te Pire nei, a taihoa au ka ata korero mo nga tikanga katoa kia whiwhi au i te whakamaoritanga tika o te Pire.