Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1891-1895

Turei, te 12 o Hurae, 1892

page 18

Turei, te 12 o Hurae, 1892.

Nga Pire Takiwa Motuhake.

Te Riihi.—Homai ana ki te tepu o te Whare te ripoata o te Komiti huihui mo te Pire mo te Rahui o Kaipo, Mere Taka Karaati Pire, Tahoraiti Take Whakatika Pire, Whare Manuwhiri Maori Nepia Hoko Pire, me etahi atu Pire me tana whakaatu mai ko te whakaaro o te Komiti, e hara enei i te Pire mo te katoa erangi he Pire mo nga takiwa motuhake a kaua e kiia no te Katoa enei Pire. A motini ana ia kia whakahokia enei Pire ki te komiti mo nga Pire Takiwa Motuhake.

He nui te tautohetohe i ara mo tenei putake.

Te Kapa.—He korero ano taku mo te unuhanga here i runga i nga whenua Maori. E mataku ana ahau kei unuhia kei waiho tenei mahi hei tauira a ka pakaru nga here katoa a ka paheke atu nga rahui, e kore e mau ki nga Maori. Tetahi whakahe oku kaua e mahia takitahitia enei tu mate penei me enei. Me te mea e tukua ana te ora ki nga tangata na ratou enei poraka anake, kahore ki etahi atu tangata e noho mate ana. Erangi me whakaora nga mate katoa, me whakatika nga he katoa, katahi ka marama. E mohio ana ahau na te whakaaro pai o te Minita Maori i kawea mai ai enei Pire, otiia kaua e haere takitahi te mahi whakatikatika i nga mate e pa ana ki nga Maori me a ratou whenua. I tu ake ahau ki te whai kupu mo te Pire o Kohoao, otiia ki te tae mai taua Pire ki te aroaro o te Whare ka whai korero ahau ikona.

page 22

Pootitia ana taua take.

Nga kaiwhakahe 27

Nga kaiwhakatika 39

Mutu ana taua take korero

Kohoao Here Pire.

Te Karimana—Motini ana kia panuitia tuaruatia tenet Pire me te whakaatu mai e pa aim ki tetahi whenuu iti 170 eka kei Whangarei kua whakataua ki etahi Maori. Tono ana ratou ki te Kooti Whenua Maori kia unuhia nga here i runga i taua whenua kia ahei ai ratou te riihi mo nga tau e 21, a whakaaetia ana e te Kooti. Ko etahi tangata whai paanga he kuia rawa a kahore kau a raua whenua ke na reira ka ki te Tumuaki o te Kooti kaore he mana o te Kooti ki te whakaae kia unuhia te here e te Kawana. Otiia kei te hiahia nga Maori whai paanga kia riihitia tenei whenua na reira ka tukua mai ia tenei Pire.

Whakaaetia te panui tuarua.

Whakawa Mo Opanaki.

Te Karimana.—Motini ana kia panuitia tuaruatia me tana whakamarama mai i whakwakia te take Maori ki tenei poraka i te tau 1873 whakataua ana ki nga Maori tokorua. I tae mai ano ki te aroaro o te Kooti i te tau 1885, a wawahia kia rua nga wehewehenga me te whakauru atu ano i taua tokorua. Otiia kua puta te awangawanga inaienei kei te tika ranei te whakawa o te tau 1885. Kei te he ranei koia i homai ai tenei Pire i runga i te hiahia o nga Maori kia whakapumautia ta ratou take. Na reira ka mea tia e ia taua motini.

Whakaaetia ana e te Whare.