Wenerei, te 17 o Akuhata, 1892.
Pire Mo Te Rahui o Waikouaiti.

Te Karimana e pa ana tenei Pire ki tetahi piihi whenua kei Otakou i wehea mo nga Maori i mua. I te tau 1868 ka noho te Kooti Whenua Maori i taua takiwa ka wehea te poraka kia wha wahanga, otiia i te ruritanga kitea ana e ono pea rau nga eka i nuku atu i waho o te wahi e rahuitia me te noho mai ano a nga Maori kei taua piihi i waho. Kitea ana ki te hoatu i enei eka harahara ki te hunga no ratou te poraka nui ka mate rawa nga tangata e noho ana i runga i te mea kei reira a ratou whare me a ratou mahinga kai. A kihai hoki i pai nga Maori kia peratia a hanga ana he tikanga penei, me wehe tenei whenua kia rima wahanga kia kaua e whakaohoa te noho o nga tangata i runga. I tu ano te Kooti i te tau 1887 a wehea ana te whenua i raro i ta nga Maori whai paanga i hiahia ai a ko te take o tenei Pire he whakamana he whakarite i te hiahia nga Maori page 35kia tau pai ai ratou i runga i o ratou whenua na reira ka motinita e ia kia panuitia tuaruatia tenei Pire.

Tame Parata. —E tautoko ana ahau i tenei motini. Kahore i taea te tuku ki nga Maori a ratou tiwhikete mo nga whenua i whakataua kia ratou i mua e te Kooti. Kua oti katoa te wehewehe i nga hea o nga tangata. Kua marama katoa nga whakaatu mai a te Minita, a e kore e ara ake he pohehe, he pewhea ranei i te mea kua whakahuatia nga ingoa katoa o nga tangata me nga piihi mo ia, tangata mo ia tangata. Kanui toku pai kia wehea peneitia nga rahui Maori katoa kia noho marama ai nga tangata i runga.

Te Riihi.—Kei te he etahi o nga rarangi kahore i tino pai te whakatakoto i nga korero o tenei Pire, tera pea e raruraru a muri ake.

Te Karimana.—Na te Tiati tonu nana i whakawa enei whenua i hanga taua Pire. Otiia ka parea ki te roia o te Karauna kia ata tirohia.

Paahi ana te panui tuarua o te Pire.