.gif)
Nga Korero Paramete: 1891-1895
Paraire, te 22 o Hurae, 1892
Paraire, te 22 o Hurae, 1892.
Wi Katene Me Etahi Atu.
Te Kapa.—E patai atu ana ahau ki te Kawanatanga mehemea kua ata whiriwhiria e ratou te ripoata a te Komiti mo nga Mea Maori mo runga i te pitihana a Wiremu Katene me etahi atu 11,976 o te 21 o nga ra o Hurae 1887. I penei ano taku patai i te Paremete kua hori nei a nukuhia ana te utu mai mo taku patai ki te mutunga o te Paremete a i te mea kihai i utua mai ka tono ano ahau kia utua mai taku potai.
Te Karimana.—I mea he take tenei e pa ana ki te Poari mo nga turanga kaipuke i Akarana. Erangi me ki ake ahau kua ata whiriwhiria e ahau taua take me taku whakaaro he moumou te ki atu tera e mana taua take i runga i te huarahi e hiahiatia ana e te mema na.
Nga Hawhekaihe O Te Waipounamu.
Te Tioihi.—Epatai atu ana ahau ki te Minita Maori mehemea ka taea e nga hawhe kaihe o te Waipounamu te hoko i o ratou Whenua. kua Karauna karaatitia ki a ratou.
Te Karimana.—Ki taku whakaaro ko te utu tika mo. tena patai ekore. Erangi i runga. i taku whakamarama atu me ki atu e ahu i tukuna heretia etahi o nga take a nga hawhe kaihe o te Waipounamu ki a ratou, a ko etahi kihai i herea. Ko te mea tika mo era i herea a ratou take me tono ki te Kooti Whenua Maori kia unuhia aua here, a ko era kihai i herea a ratou take me tuku patai ratou ki te Komihana Tiaki kia marama ai ia tera atu ano he whenua a nga Maori e hiahia ana ki te hoko i mua o tana whakaaetanga.
Pire Whenua.
Te Miterehana.—E patai atu aua ahau ki te Minita Maori mehemea kua tukuna ki nga. Maori e whai take ana etahi tauira o te Apiti o te Pire Whakatikatika I Te Whakahaere Moni Nama O Te Reriwe Nui O Te Motu O Aotearoa e mea nei kia whakahaerea etahi tikanga nui ki runga i ratou whenua, a mehemea kahore ano i tukuna he tauira, mehemea ka tukua i mua o te korerotanga tuarua o te Pire: ko te take i patai ai ahau i tenei patai he kitenga noku i tetahi mapi a meatia ana kia haoa mai kia nui atu nga whenua Maori i nga whenua i maharatia ai i te tuatahi a he mea tika kia mohio nga Maori ki nga whakaaro o te Kawanatanga i runga i aua whenua.
Te Karimana. — kua whakahaua ano kia tukuna etahi tauira haunga o te Pire e whakahuatia nei anake erangi ko etahi tauira hoki o te Pire Hoko Whenua Maori. A kua whakahaua hoki nga Apiha a nga Takiwa Maori kia tuhatuhaina aua Pire ki waenga i nga Maori. Otira ki taku whakaaro he mahi tera ma te mema o taua takiwa haunga te Kawanatanga.