Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1891-1895

Paraire, te 30 o Hanuere, 1891

Paraire, te 30 o Hanuere, 1891.

Nga Whenua Maori.

I runga i te motini o Makitonore i whakaaetia kia homai ki te aroaro o te Whare tetahi ritana e whakaatu ana i tetahi mapi me tetahi apiti e tohu tohu ana penei: (1.) Ko nga whenua e mau ana i te iwi Maori kaore ano kia paahitia e te Kooti kaore ano hoki kia riihitia ki nga Pakeha. (2.) Nga whenua Maori kaore ano kia paahitia e te Kooti e rihitia ana ki nga Pakeha. (3.) Nga whenua Maori e whakamatau ana te Kawanatanga ki te hoko, me whakaatu nga eka o aua poraka me te moni kua puta me te moni toenga me nga take kaore i whakaotia aua hoko. (4.) Nga whenua kau paahitia e te Kooti kua riihitia ki nga Pakeha, me whakaatu nga tau o nga riihi me te moni o ia tau, me te utu i raro i te Ture Takoha Taonga mo aua whenua. (5.) Nga whenua kua paahitia e te Kooti e puritia ana e nga Maori hei nohoanga ma ratou, me whakaatu te utu whiriwhiri e utu ana i raro i te Ture Takoha Taonga. (6.) Te moni nama e toe ana e tika ana kia utua ki te Kawanatanga mo nga ruritanga me era atu whakahaere mo nga whenua Maori, a ko awhea puta ai aua utu ki te Kawanatanga. (7.) Me whakaatu mai te huihuinga o nga moni e utua ana e nga Pakeha me nga Maori i raro i te Ture Takoha Taonga mo nga whenua Maori, me whakaatu mai te moni e utu ana e te iwi Maori e te iwi Pakeha.

I runga i te motini o te PARANIHI ka hikitia te Whare i te rima meneti te paahitanga o te ono a mutu ana te noho o te Paremete.

Whare O Raro.

I tuwhera te Paremete i te hawhe paahi o te rua i te Taite te 11 o Hune, 1891.