Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1891-1895

Taite, te 29 o Hanuere, 1891. — Kenepuru Poraka

Taite, te 29 o Hanuere, 1891.
Kenepuru Poraka.

Tame Parata.—Patai ana ki te Minita Maori mehemea he pono kua hokona e te Kawanatanga te poraka o Kenepuru i te mea he wahi tena kua ata whakaritea hei taunga mo nga Maori kore whenua, ara mo Ngatikuia me Rangitane? Kua rongo ia inaianei kua tukua tenei poraka e te Kawanatanga kua mutu tata nei ki etahi Pakeha kua noho ki runga inaianei. Tana mahi i roto i nga tau katoa kua hori ake nei, he tohe nui mei kore ia e whai whenua mo nga tangata Maori i raro i nga whakatau a te Roiara Komihana kua takoto nei tana Ripoata ki te aroaro o te Whare. I tera tau i arahina e ia tetahi ropu tangata Maori ki te aro-page 10aro o te Minita Maori ki te whakapuaki kupu mo tenei poraka tonu, a puta ana te kupu a aua Maori tera ratou e pai tonu ki tenei whenua ina mutu te riihi a nga Pakeha.

Te Paranihi.—I whakaritea e Komihana Make a whakaaetia ana e nga Maori ko Kenepuru poraka hei whenua mo ratou, koina tetahi wahi hei taunga iho mo te hunga whenua kore. Otiia kaore i mohiotia i reira kua whakaaetia i mua te mana hoko ki nga kai riihi ana hiahia ratou, me era atu raruraru. Ko te tikanga mo etahi whenua ke o te Karauna kua parea ki te Tari Whenua Karauna mei kore e taea te rapu i tetahi whenua pai hei riiwhi mo Kenepuru i te mea kihai i watea taua poraka.