Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1891-1895

Paraire, te 21 o Akuhata, 1891

Paraire, te 21 o Akuhata, 1891.

Puketotara Poraka.

Eparaima Kapa.—Patai ana ki te Minita Maori mehemea e mohio ana ia ko te poraka o Puketotara e pitihana nei e Hone Peti ki te Paremete kei te ruritia inaianei, a mehemea na te Kawanatanga i whakahau kia ruritia?

Te Karimana.—Kua tuku patai ia ki Akarana a ki te tae mai he utu tera ia e whakaatu ki te honore mema nana nei te patai.

Moni Utu Mo Nga Mema.

Te Parata.—E kore au e noho puku mo tenei Pire erangi ka whakaatu ahau ki toku mahara. Ka tautoko ahau i tenei Pire ta te mea i whakahe ahau i te tau 1887, mo te whakaitinga o nga mema me te whakahokinga iho i nga moni mo ratou. A na reira e tika ana kia pooti ahau mo tenei Pire inaianei. Tenei hoki tetahi mea kahore ano kia koreotia e nga mema. Kua whakanuia a matou takiwa inaianei. Kua tokomaha rawa hoki nga tangata i raro ia mema ia mema a ma te moni ahua rahi ano ka taea te heerere e ia mema, puta noa nga wahi katoa o roto o tona takiwa ki te tirotiro ia ratou, na reira e tino tika ana kia whakanukuhia te moni ma nga mema, kia taea e ratou te haerere ki te rapu ki te ui i nga hiahia o nga tangata katoa i roto i o ratou takiwa pooti. Mehemea i pena te nui o nga takiwa o nga mema e whakahe ana ki tenei pire me toku nei takiwa e kore ratou e turaki i tenei mea. Ki te paahitia tenei Pire a kaore aua tangata e pai ki te tango i tenei moni ka ahei ano ratou ki te whakahoki atu ki te peeke a te Kawanatanga me tuku ranei aua moni ki nga mema rawa iti, takiwa nui.