Wenerei, te 5 o Akuhata, 1891.
Te Moemoea a Hoani Paniana Me Ropitini Kuruho.

Tame Parata.—Patai ana me kore e whakaae te Kawanatanga ki te whakarite i tetahi moni e tika ana kia perehitia ki te reo Maori etahi kape o Te Moemoea o Hoani Paniana me Ropitini Kuruho he hoko hoko ki te iwi Maori? I pataia e ia tenei patai i te mea hoki e tino titiro parekareka ana nga Maori ki enei korero miharo, a tera e hoki mai ki te Kawanatanga nga moni e pau i te perehitanga.

Te Karimana.—Kaore te Kawanatanga e pai ki te whakarite moni mo tenei mea erangi mehemea ka tahuri tetahi tangata rawaho ki te perehi hou i enei pukapuka tera e whakaae te Kawanatanga ki te tango i etahi kape e hia ra hei whakakaha i taua mahi. Me ki atu ano ia, i whakamaoritia enei pukapuka i te tau 1852 i runga i te whakahau a Kawana Kerei.