.gif)
Nga Korero Paramete: 1891-1895
Rahui Kura MAORI HOKANUI
Rahui Kura MAORI HOKANUI.
Tame Parata.—Patai ana ki te Minita Maori mehemea ka whakaatu mai e ia te ingoa o te kai riihi o te Rahui i Hokanui, te moni ote riihi, te ingoa o te kairiihi i mua me te moni i utua e ia. I wehea tetahi moni e £2,000 kia hokona tenei whenua hei oranga mo nga kura a inaianei kahore e mohio nga Maori i pewhea te whakapaunga o tenei moni, kaore hoki he whakaatu i tukua atu kia ratou.
Te Karimana.—Ko taua rahui kei te ringa ringa o te Kai Tiaki o Tekatoa e whakahaerea. I parea tenei patai ki taua Tari a nei te utu mai. Ko te kai Riihi inaianei ko te Rona Makataira Kamupene. Ko Hemi Kahikote te kai riihi tawhito, a pekeraputia ana taua tangata a moketetia ana taua riihi, na te nui rawa o te utu o te riihi i raru ai taua tangata. A ko te moni reti e utua ana inaianei e kiia ana e rite tonu ana ki te reti o nga whenua Karauna kei taua takiwa.