Other formats

    TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1886-1890

Nga Pakeha Whakarere Mahi

Nga Pakeha Whakarere Mahi

Hoani Taipua.—E te Tumuaki kua tino hoha ahau i te whakarongonga ki nga korero mo tenei mahi. Ki takn whakaaro e whakahoahoa ana e whaka-nui kau ana etahi o nga mema i enei korero kia whiwhi ai ratou ki te pooti. Ko nga Kawanatanga o nga tini whenua te hunga e whakahaer'e ana i nga ti-kanga i waenganui i nga iwi, a e tino matau ana ratou ki te whakahaere i uga ture. E tino niohio ana ahauinehemea na nga Maori i whakaeke tenei raruraru kua kawea hereheretia ratou ki tetahi Moutere i waenga moana, a notemea na te Pakeha tenei raruraru kahore e whai tikanga kia ratou kia noho pai ratou i runga i te ture. Kahore a te Whiti i haere mai ki waenga i nga Pakeha whakararu ai heoi tukuna atu ana nga hoia e torn niano hei whawhai ki aia. Erangi notemea he Pakeha enei e whakararu nei waiho ana ratou kia takahi ana i te ture. E ki ana nga Kawana hou katoa e tae mai ana ki konei ko ta ratou hiahia ai kia kotahi tonu he ture mo nga iwi e rna. A mehemea ko ta ratou tino hiahia tena ko te mea tika me whai tikanga tonu te Kawanatanga ki tenei hunga inaianei tonu. Ki taku whakaro e rere ke ana tenei raruraru i etahi atu. He tohu pea meake te mutunga o te Ao.

Taiwhanga— Kahore teuei raruraru i pa ki nga Pakeha anake erangi i pa hoki ki nga Maori heoi e mea ana ahau ma te hohoro tonu o te mutu o tenei raruraru te tau ai te pai ki nga iwi e rua. He aha ra te take i whakarere ai ratou i ta ratou mahi. Kei te mohio ano ahau ki te whakarerenga a nga Pakeha o Ingarangi i ta ratou mahi erangi i whakarerea c ratou mo nga marama tekau marua heoi hoki nga utu e utua ana i reira ma te tangata me tona whanau mo te ra kotahi e 2s. 6d. kei konei e utua aua te 8 me te 10 hereni mo te ra kotahi a he mea ano e tae ana nga utu ma te tangata ki te £5 i te wiki heoi kahore au o kite i te take i whakarere ai ratou i ta ratou mahi. I whakaaroha ahau ki te hunga i whakarere i ta ratou mahi i Ingarangi tena ko enei kahore au i kite i te take i whakarere ai.