Other formats

    TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1886-1890

Pire Karaati Whenua Kia Horomona Paatu

Pire Karaati Whenua Kia Horomona Paatu.

Te Miterehana.—I runga i te korerotanga tuarua o tenei Pire me ki ake ahau ko te take i tukuna mai ai taua Pire he mea hei whakamana i te ripoata a te Komiti Mo Nga Mea Maori o te Kaunihera me tetahi ripoata a te Komiti Maori O Te Whare. I te tau 1887 kia wehea te Rahui Maori O Aparima hei kainga hei oranga hoki mo nga Maori i whakaurua ki te rarangi ingoa a te Matera i te tau 1853. Erangi i ki a Horomona Paatu kihai i rahi te wahi i whakataua ki aia hei oranga mona me tona whanau, me tana pitihana tonu i te Whare mo tetahi ora. I kaha rawa te tautoko a te Komiti Mo Nga Mea Maori o te Kaunihera i te tau 1887 i taua pitihana, a i runga i taua ripoata a te Kaunihera whakahaua ana a Tiati Make e te Kawanatanga kia whiriwhiria taua keehi, me te titiro mehemea tera tetahi whenua i Aparima hei whakaea i te tono a Horomona. A heoi te whenua takoto kau i kitea e te Make i reira he repo me tetahi pukepuke onetea a kahore a Horomona i pai ki aua whenua. No muri iho ka whakaaturia mai e te Komihana o nga Whenua Karauna tetahi whenua i Invercargill a kihai a Horomona i pai ki taua whenua i te tuatahi. No muri iho i te Paremete kua hori nei ka tonoa e ahau kia tangohia e Horomona te Whenua e whakahuatia nei i roto i te Pire nei.

Tame Parata.—He maha nga tau i mahi ai a Horomona ki te kimi i tetahi ora a he whakamana ta te Pire i te aro-aro o te Whare nei i te tono a te Komiti Mo Nga Mea Maori kia tukuna tetahi ora ki aia. Heoi taku i whakawhirinaki ai me pera ano hoki he tikanga a te Kawanatanga me te Whare ki nga tangata e tika ana a ratou take.

A paahi ana te korerotanga tuarua o te Pire.