Nga Korero Paramete: 1886-1890
Wenerei, te 10 o Hurae, 1889. — Harakeke Maori
Wenerei, te 10 o Hurae, 1889.
Harakeke Maori.
Taiwhanga.—Patai ana ki te Kawanatanga mehemehea ka whakaae ratou kia homai he ture i roto i tenei Paremete kia taea ai tc tiaki i tetahi taonga nui o Niu Tireni. He take nui tenei ki tona whakaaro hei titiro ma te Kawanatanga. E mohio ana ia ki etahi wahi harakeke kei Maketu kei Rotorua, kei Pewhairangi, kei Kaipara hoki, nui atu ki aua wahi, a he nui tona hiahia kia tiakina pai tia e te Kawanatanga enei wahi pena me ta ratou tikanga mo Puhipuhi ngaherehere. Kua rongo hoki ia kua nui haere te pirangi o te Marikena ki te niuka. Otiia i runga i te mahi tahu tahu a nga tangata keri kapia i runga i nga whenua Karauna, Maori hoki, kua pau haere te harakeke, ia tau ia tau. He taonga nui he rawa pai tenei mo te katoa koia te putake i tono ai ai kia tiakina nui tia e te Kawanatanga.
Ta Hare Atikini—Kaore e marama i te Kawanatanga te hanga ture motuhake mo tenei mea.