Title: Nga Korero Paramete: 1886-1890

Author: New Zealand Parliament, Legislative Council

Part of: He reo ture nō te taha Kāwana / Language of the Crown

Conditions of use

Share:

Ani Ropitini.

I tukuna mai o Tamihana te ripoata a te Komiti mo nga pitihana a Te Katoa i runga i te pitihana a Ani Ropitini a i motini kia takoto te ripoata ki runga i te tepu o te Whare me te tuku ki te Kawanatanga, heoi ka motinitia tetahi menemana e Ta Hori Kerei i runga i te motini a Tamihana kia perehitia taua ripoata a kia whiriwhiria i te rangi i muri iho e noho ai te Whare i te hawhe paahi o te whitu karaka i te ahiahi.

page 40

Taiwhanga. — E whakatika ake ana ahau ki te tautoko i te motini a Ta Hori Kerei. He nui te mate kua tau ki te kai-pitihana a kua neke ake ana moni i te £7,000 kua ngaro. I araia taua wahine kei whiwhi ia ki nga mea tika kia riro i aia, a e hiahia ana ahau kia ata whiriwhiria tenei take e te Pirimia. He wahine Pakeha te kai-pitihana, otira e hiahia ana ahau kia tau ngatahi te tika ki te Pakeha me te Maori. Kei te pai nga Maori kia riro te pihi whenua i tonoa nei e ia, erangi i haere mai tetahi Pakeha rangatira e whiwhi ana i te moni a whakahaua ana e ia etahi wahine Maori kia haere ki te pana i Ani Ropitini i roto i tona Whare. Ka whitu nga tau i tohe ai taua wahine kia tau te tika ki aia, a pau iho ana moni e £7,000 i roto i aua tau i whakatete ai ia, ki taku mahara me whakaae te Pirimia ki te menemana a Ta Hori Kerei otira i unuhia e ia tana menemana.