Wenerei.te 21 o Akuhata, 1889.
Nga Ngawha I Rotoiti Me Tikitere.

Timi Kara.—E patai atu ana ahau ki te Minita mo nga Mahi Nunui, mehemea ka whakaritea e te Kawanatanga he moni kia hanga e nga Maori te huarahi e tika atu ana i Tikitere ki nga ngawha i Rotoiti kia tutuki atu ai ki te huarahi nui tonu? Tera e haerea nuitia taua huarahi e te manuwhiri me te tini o te Pakeha o taua takiwa. A ki taku inohio kua oti taua huarahi te ruri. Kei te watea tonu nga Maori inaianei ki te hanga i taua huarahi, a heoi te mea e hiahiatia ana inaianei kia whakaritea he moni kia tae pea ki te £120. Ka tau te manaki a te Kawanatanga ki nga taugata o reira mehemea ka tukua ana moni hei hanga i taua huarahi haunga ia nga tangata o reira erangi nga manuwhiri hoki o taua takiwa.

Te Retihana.—Tana whakahoki kahore i ruarua te whakaaro he mahi tika taua mahi, a kei te whiriwhiri te Kawanatanga i te huarahi whakanoho moni ki roto i te pukapuka o nga moni. Me ki atu hoki ahau i te maharahara tonu te Kawanatanga ki te hanga i taua huarahi i mua noa atu. A ko te take i kore ai e hanga he nui no te utu e tonoa ana e nga Maori hei utu mo te whenua i takoto ai taua huarahi. Ki taku mohio i tonoa kia £12 mo te eka. Mehemea e hiahiatia ana kia hanga taua huarahi me tuku noa mai te whenua.