.gif)
Nga Korero Paramete: 1886-1890
Turei, te 22 o Mei, 1888. — Pawuru Roia
Turei, te 22 o Mei, 1888.
Pawuru Roia.
Taiwhanga.—E patai atu ana ahau ki te Kawanatanga mehemea kua tae mai tetahi kupu a te Kawanatanga o Mereponi ki a ratou mo runga i te roia i oma nei mo Pawuru, a mehemea kua tae mai he kupu ekore ranei ratou e pai ki te whakatakoto i aua korero ki te aroaro o te Whare. I penei ano taku patai ki te Kawanatanga i tera tau a i kiia mai meake ka hemo taua roia, erangi kahore ano taua tangata i mate. Heoi e hiahia ana ahau kia rongo e pehea ana te Kawanatanga mo runga i taua mea. E taea ana e te Ture te maka i te tangata ki te Whare herehere mo nga pauna ouou nei, erangi kahore he kaha ki te hopu tangata ina oma me nga moni £1,000.
Te Pakuha.—Kua whai korero ano te Kawanatanga o Niu Tireni ki te Kawanatanga o Mereponi mo runga i tenei take, a e pai ana ahau ki te whakatakoto i nga kape o aua korero ki runga i te tepu o te Whare. Ma tenei puk-a puka e mau ake nei e whakaatu i nga tikanga:—
"Tari Pirihimana,
"Tari o Te Komihana
Tumuaki,
"Mereponi, 1 o Maehe, 1888.
Take Maori Kaiapoi.
Tame Parata.—E patai atu ana ahau ki te Minita Maori mehemea kua whakaputaina nga tiwhikete take mo nga whenua i Kaiapoi me era atu wahi i whakawakia e te Kooti Whenua Maori i raro ia Tiati Make i te tau 1886 me te tau 1887 mehemea kahore ano i whakaputaina awhea whakaputaina ai.
Te Miterehana. —Kei te hanga nga tiwhikete inaianei mo nga whenua katoa kua oti te ruri, a ko nga toenga ka whakaotia ina oti nga ruri.
"E Ta,—I runga i te whakahoki kupu mo to pukapuka o te 5 o Hanuere e hiahia ana ahau ki te kii atu ki a koe he nui te uaua ki te whakatata atu ki taua tangata hara kia Pawuru ara mo te whakatata atu o tetahi Rata Kawanatanga ki te titiro i tona mate. Erangi kua taea ia inaianei, a ka tukua atu e ahau inaianei te kape o te ripoata a te Tumuaki o nga Rata o te Koroni.
"Koia nei ki te whakaaro iho ekore rawa e kaha ake te ora o taua tangata o Pawuru e ahei ai ia te haere atu ki Niu Tireni.
"Naku na
"H. M. Hamari,
"Tumuaki o nga Pirihimana.
"Te Komihana o nga Pirihimana,
"Poneke, Niu Tireni."
"Mereponi, 28 o Pepuere, 1888."E whai honore ana ahau ki te kii kua tirohia e ahau i tenei ra a Hare Rohita Pawuru, a kitea ana e ahau ka nui te pupuhi o tona puku. Kahore e taea e ia te haerere a e pangaia ana hoki e te mate manawarua i etahi wa. A inaianei ekore e taea te hiki atu he wahi ke, a e ruarua ana aku whakaaro mehemea e taea a muri ake nei te kawe i aia ki tetahi wahi ke. E whakaaro ana a te Rata Kemara te Rata o Pawaru e kore ia e ora ake i te nui o tona mate.
"Na Te Hiira, Rata,
"Rata Kawanatanga."