Turei, te 21 o Akuhata, 1888.
Pawuru Roia.

Taiwhanga.—Ka patai ki te Minita mo nga Ture, ka pewhea te whakahaere a te Kawanatanga mo taua roia i oma ra. Kua tukua ra he warati i Akarana hei hopu i taua tangata Kua rua tau inaianei i te omanga o taua roia. E ki mai ana etahi tangata, kei te takoto mate taua tangata. Otiia e tino mohio ana ia, he tito, me te kupu hoki kei te whakahemohemo, he teka ano; kei te ora tonu taua tangata, na reira kanui tona pai mehemea ka whakaatu tikanga mai te Kawanatanga, kei te pewhea ta ratou nei mahara.

Te Pakuha.—Kua pataia ano tenei patai i te tuatahi, a ko te utu atu i reira, he penei, kei te takoto mate ano taua roia e ai te korero a te Takuta i Merepona. Heoi kahore he utu ke inaianei.