Mahinga Kekeno.

Tame Parata.—E patai atu ana ahau ki te Kawanatanga mehemea e page 20kore e whakaarohia e ratou kia whakapuaretia te mahi kekeno i tenei tau. He mea tika ano maku kia tukua tetahi whakamarama poto nei mo te take o taku patai. E mahara ana ai he wa tika hei tuku i tenei patai inahoki kua tata te wa mahinga kekeno. E hiahia ana ahau kia rongo ki nga whakaaro o te Kawanatanga mo runga i tenei take, kia ahei ai te hunga mahi kekeno te whakarite ia ratou mea hei patu ina whakaaetia te patu kekeno i tenei wa. Ekore hoki e tika kia patu kekeno poka ke i te Ture, a he mea tika kia whakahaerea tetahi huarahi ekore ai e ahei te tangata te takahi i te Ture.

Te Piha.—Kahore te Kawanatanga i whakaaro he mea tika kia whakapuaretia te mahi kekeno i tenei tau. He take nui tenei a kua ata whiriwhiria e te Kawanatanga. E mohio ana no hoki te rangatira na, i pahitia tetahi Pire i te tau kua hori nei e te Paremete a ka tukuna mai ano taua take ki te aroaro o te Whare ra runga i tetahi Pire i tenei Paremete.