Other formats

    TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1886-1890

Nga Moni O Nga Reti Takiwa Ngawha

Nga Moni O Nga Reti Takiwa Ngawha.

Taiwhanga.—E patai atu ana ahau ki te Kawanatanga mehemea ka tahuri tonu ratou inaianei ki te kohikohi i nga moni reti kahore nei ano kia utua i runga i nga riihi o nga Takiwa Ngawha. I Rotorua ahau i mua tata ake nei a ka kite ahau £1,000 tae atu ki te £7,000 nga moni kahore ano kia ea i nga kaitango riihi ki nga rangatira Maori. E hiahia ana ahau kia mohio e pehea ana te whakaaro o te Kawanatanga mo runga i tenei take.

Te Retihana.—I mea i runga i tana whakahoki ka rua ka toru ranei nga hamenetanga kia utua nga moni reti kihai nei ano i ea i Rotorua, otira kahore ona huhuatanga no te mea i runga i te maha o nga hamenetanga ka whakahaerea e nga kaitango riihi a ratou keehi ra runga i te Ture Pekarapu (ara) 1 te mea e whakataua ana e te Kooti kia utua nga moni reti. Akuanei i runga i tetahi whakaturanga mai, ka mea te Kawanatanga i a Maehe, 1885, kia whakamutua te tono utu ki nga Kaitango riihi me te whakamutu i nga reti mehemea ka utu e ratou nga moni reti taea noatia nga marama e rua o te mutunga mai o te riihi. Heoi tukua ana he panui ki nga kaitango riihi katoa mo nga moni kahore ano i ea a he maha nga tangata i utu, a i raro i enei tikanga ekore e tika kia whiua kia utua nga moni inahoki kua whakarerea nga riihi.