Other formats

    TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1886-1890

Paraire, te 3 o Akuhata, 1888. — Nga Tima O Te Kawanatanga

Paraire, te 3 o Akuhata, 1888.
Nga Tima O Te Kawanatanga.

Tame Parata. — Kei te korero pohehe noaiho etahi o nga mema la ratou e mea ana kia whakaitia te utu mo Kapene Paramena te Kapene o te "Tera." He tere noa atu aua mema ki te whakahehe, engari e kore ratou e mohio e kore ratou e maia ki te rere i te moana waiwai i te hau pena me Kapene Paramena. He nui te mahi o enei kaipuke ki te whakataki i nga raiti hauihi me nga kaipuke e pae ana ki uta. Na te kore tima hei whakataki i mate mate ai te rau tangata i runga ia te "Tararua." E pai ana kia hokona tetahi o nga tima, a me tiaki i tetahi. Kaore kau he tangata hai rite mo te Paramena te mohio ki nga takutai o enei motu puta noa i Niu Tireni. Ko enei mema e amuamu nei, kaore ratou e mohio ki te whakatere kaipuke ki te aha ranei.