Taite, te 28 o Hune, 1888.
Nga Utu Ki Te Kooti Me Nga Tiuti.

Meiha Ropata Wahawaha.— Kia tukuna mai ki te Tepu o te Kaunihera he pukapuka rarangi o nga moni kua utua e tika ana ranei kia utua ki te Kooti Whenua Maori i runga i te whakawakanga o nga take whenua Maori, hui atu ki nga Tiuti me nga Pane Kuini me nga utu rehitatanga e utua ana i te hokonga me te retinga o nga whenua Maori, me whakaatu mai te nui o aua moni mo ia tau mo ia tau timata mai i te 1 Hanuere, 1880, tae mai ki te wa i mana ai "Te Ture Whakahaere Whenua Maori, 1886." Whakaaetia ana kia tukua mai.