Other formats

    TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1886-1890

Turei, te 26 o Hune, 1888. — Nga Apiha O Te Kooti Whenua Maori

Turei, te 26 o Hune, 1888.
Nga Apiha O Te Kooti Whenua Maori.

Meiha Ropata Wahawaha.—I au e tuku atu ana i taku kupu nei e hiahia ana au ki te whakamarama atu i page 4te take o taku motini. Ko te nui o te raruraru e pa ana ki nga Maori me a ratou whenua i raro o nga whakahaere a te Kooti Whenua Maori. Ahakoa kua roa e tu ana te Kooti Whenua Maori ki Niu Tireni me te piki haere ake ano te nui o nga raruraru taea noatia tenei takiwa. He mea tika ano kia puta he whakaaro ma te Kawanatanga ki te komiri i etahi tangata mohio uhumanea ngakau mahara hoki ki nga tikanga Maori i roto o nga ropu tangata pera. Ko te tikanga mehemea nei ano aua tangata he Maori tino mohio ki aua tikanga Maori ahakoa Pakeha Hawhekaihe Maori ranei. A era e kore noaiho nga tikanga whakahaere kari tipaopao a nga Kooti Whenua Maori o te tuatahi me nga mahi hoki atu ano ki te piwai tuarua tuatoru ranei mo te kereme kotahi. I pa he mate nui ki te Koroni i runga i era tu whakahaere i te nui o nga kaiwhakahaere e hokihoki atu ana i ia tuunga Kooti i ia tuunga Kooti mo te kereme kotahi.

Tukuna atu ana te motini, ara:— "Kia tino kaha ai te Kooti Whenua Maori i runga i ana mahi, he mea tika ma te Kawanatanga e ata whiriwhiri mai etahi tangata mohio ki te reo Maori, me nga tikanga Maori, hei nga tangata tika pono, hei Kaiwhakawa, Ateha, Kaiwhakamaori, Karaka, Rehita hoki kia tino tika ai nga mahi whakahaere a te Kooti Whenua Maori."