.gif)
Nga Korero Paramete: 1886-1890
Turei, te 7 o Akuhata, 1888
Turei, te 7 o Akuhata, 1888.
Rahui Maori I Mawhera.
H. K. Taiaroa.—He patai taku ki te Kawanatanga, Mehemea e tika ana kua whakaputaina he Karaati hou mo Mawhera? I haere i runga i tewhea mana, na wai hoki i tono kia whakaputaina he Karaati hou i te mea e puritia ana ano te Karaati tuatahi e te hunga o roto o te Karaati, kaore nei ratou i tono atu kia whakaputaina he Karaati hou? Me whakaatu mai hoki mehemea e rereke ana nga tikanga o te Karaati hou i nga tikanga o te Karaati tuatahi?
Te Tiwini.—Kaore i whakaputaina he Karaati hou.
Engari me whakamarama atu au i te pukapuka mai a te Kaitiaki, e
whakaatu mai ana i nga take katoa i mahia ai he tiwhikete tarewa kia
taea ai te rehita nga riihi, kaore hoki i taea te rehita aua riihi i
te mea e ngaro ana taua Karaati, i kiia hoki kua ngaro taua Karaati,
kaore i kitea te page 8
takotoranga, no reira i mahia ai he tiwhikete tarewa hei tatari
atu i te Karaati kia tukua mai. Engari hoki he roa rawa taua reta
mai a te Kaitiaki mo te Katoa. Ki taku mahara ko te mea pai me tiki
mai taua pukapuka e Taiaroa, mana e titiro nga take katoa e
whakamaramatia mai ana i roto i taua pukapuka.
Horomona Paatu.
H. K. Taiaroa.—I patai ki te Kawanatanga, Mehemea ranei kua whakamana te ripoata a te Komiti mo nga mea Maori mo runga mo te Pitihana Nama 18, a Horomona Paatu, 1887? E patai ana au i tenei patai notemea hoki e mahara ana au kaore ano kia mahia he tikanga mo taua mea.
Te Tiwini.—Tana kupu whakahoki. I tukua atu taua Pitihana ki te Kawanatanga i tera Paramete kia ata whiriwhiria e ratou. I whakahaerea ano taua mea a whakaritea ana ko te Tekiona 24 o te Poraka xix. i Nuriwa e whitu tekau ma toru eka. Engari i te ngaro a Horomona Paatu ki te mahi huahua, no reira i tatari tonu kia hoki mai ia. Nonanahi ka tae mai te waea a te Komihana whakahaere i nga whenua o te Karauna i Otakou, ki mai ana kei te tuku kupu atu ia kia Horomona Paatu, kei reira ka tuku mai ai i tana ripoata.