Horomona Patu,

Hirini Taiwhanga.—I patai mei kore te Kawanatanga e pai ki te whakarite i tetahi moni e rite ana hei whakahoki i nga moni a Horomona Patu kua pau i runga i ana haerenga mai ki Poneke nei ki te kimi i nga tikanga e ora ai ia mo ona take whenua o te Te Waipounamu. He mano pea tana moni kua pau i runga i tana haeranga mai ki te Paramete, a kaore ano he ora kia tukua ki a ia. Na reira e tino tono ana ia kia whai koha te Kawanatanga mona.

TE MITEREHANA.—E pouri ana au mehemea kua pau nui te moni a Horomona i runga i tona haerenga mai ki Poneke nei ki te tautoko i tana kereme. Otira e kore au e kaha ki te whakarite moni hei whakaea i aua moni na reira kaore au e whakaae.