Mane, te 28 o Nowema,1887.
Nga Whakahaere O Nga
Mahi Kawanatanga.

Hirini Taiwhanga.—Ko toku mohio na nga mema ano o tenei Whare te he i roa ai nga mahi. Mehemea ka whai mai nga mema ki toku ahua hei tauira, tera e oti pai nga mahi katoa o te Paremete. Otiia na runga i ta ratou korero roa kua kore pea e whai takiwa hei mahi i nga Pire. A ki te hinga ana Pire katoa e hara i te mea na te Kawanatanga te he. Erangi na te huhua korero o etahi mema.