Ture Pane Kuini I Runga I
Nga Whenua Maori.

Ko Tame Parata.—I patai ki te Kawanatanga mehemea tera ratou e tahuri ki te whakarere ke i te utu o te Ture Pane Kuini i runga i nga whenua Maori (ara) me utu taua tiuti i runga i ia tau kau e utua toputia penei me nga tikanga e mana nei i naianei, i runga i tenei take e hiahia ana ahau ki whakamarama atu, i te tekau ma waru o nga ra o te marama kua hori nei he tokomaha nga mema i haere ki te Kawanatanga mo runga i tenei take. He take nui hoki he mea tika kia ata whiriwhiria e te Kawanatanga, inahoki ki te tahuri nga Pakeha ki te riihi i nga whenua Maori i runga i ta te Ture e mana nei i naianei, me utu topu tonu nga tiuti i, mua o te riihi. E rua nga huarahi e pa mai ai te mate i runga i tenei Ture. E arai ana i te tango riihi a te Pakeha i nga whenua Maori tona tukunga iho ko te whakaitinga a te Pakeha i nga utn a te riihi ki nga Maori. Ki taku whakaaro he Ture whakararu rawa tenei i waenga i nga pakeha me nga Maori. E hara ia i te mea he whakahe ta nga Maori ki taua tiuti kahore erangi he whakahe ki te utu topu tanga i taua tiuti koia te take i tono ai ia ki te Kawanatanga mehema kahore e marama kia ratou te whakarereke i te te Ture hei whakamama ake i nga tikanga o taua Ture e patai atu ana ahau ki te Kawanatanga me kore e taea e ratou te mea kia utua tautia aua tiuti, mehemea ka taea e te Kawanatanga taku e tono nei tera e nui te pai e puta i muri iho. Tera e tokomaha tangata e noho ki runga i te whenua me te nui o te pai e puta ki te Koroni, i tukuna ano tenei patai ki te Kawanatanga i era tau a ki mai ana te Kawanatanga o era rangi tera e whiriwhiria e ratou taua mea. E tino toemaha ana nga tikanga o te Ture e mana nei inaianei ki runga i nga Maori me nga Pakeha a he maha korero kua puta mo runga i tenei Ture. Heoi e hiahia ana au kia ata whiriwhiria mai e ratou tenei mea.