Wenera, te 16 o Nowema,1887.
Nga Mana 0 Te Whare.

Hirini Taiwhanga.—E whakahe ana ki tenei mahi maumau i te taima o te Whare. He mema Maori hou ahau, otiia, mai ano i te timatatanga o tenei Paramete, kaore ano kia oti tetahi mea. E tautoko ana ahau i te whai korero a Ta Hori Kerei, Inanahi e rua oku tino Pire hei whakaora i toku Iwi Maori, ana te Pire Whakaora Maori me te Pire Whakakore i te Kooti Whenua Maori, i mau nga nama ki te Ota Pepa e 7 e 8. Inaianei kua toremi haere, kua tae ki te nama 24. Kei te paunga pea o tenei wiki, kua heke haere pea ki te 50, 60 ranei. I tukua mai ahau hei whakaora i nga Maori, a ki toku hiahia, me titiro te Kawanatanga me tenei Whare ki te taha Maori. Kati rawa nga ririri a te Pakeha me te Maori. Me mutu. Kaore i te rapua he ora mo te Maori inaianei. Inahoki ko toku Pire, kaore i te manaakitia e te Kawanatanga. Me mutu maumau taima o te koroni inaianei.