Paraire, te 4 o Nowema,1887.
Maori E Mate Ohaki Kore Ana.

H. K. Taiaroa.—Ka patai atu ahau ki a Te Whitika, "Mehemea ka tukua mai e te Kawanatanga i tenei huinga o te Paremete, tetahi tikanga e taea ai te whakahaere nga whenua me nga taonga a nga tangata Maori e mate ohaki kore ana a e nama moni ana ia ki etahi tangata i te wa i mate ai ia, kia taea ai te whakaea i ana nama." E toru nga mea e hiahia ana ahau kia whakamarama atu. I tera motu i mate ohaki kore etahi Maori, ko etahi i mahi wira kua mate kaore ano kia whakahaere o ratou whenua. Ko etahi o ratou i mate e whiwhi motuhake ana i te whenua karauna karaati.

Te Whitika.—E kore au e kaha ki te tino whakaae atu i te tona a te mema i tu mai na, ara kia mahia rawatia i tenei huinga o te Paremete tetahi Pire mo nga tikanga kua korerotia mai page 3na e ia, engari ka penei atu au i te mea e whiriwhiri ana te Kawanatanga i tetahi Pire Maori tera e ata whakaarohia nga tikanga e korerotia mai nei, tera pea e puta mai he pire i tenei Paremete i tera huinga mai ranei o te Paremete, otira maku e ata whakaaro. Ki taku titiro e marama ana te tono mai a Taiaroa.