Wenerei, te 15 o Hune, 1886.

Tame Parata, — Ka patai ki te Kawantanga mehemea ka retia te mahi patu kekeno ki te tangata kotahi, ki te tokomaha ranei? He nui no te hia hia a nga Maori mahi pera o Te Waipounamu kia tino mohio pewhea ra nga ritenga. I te mea he orangi tena ma ratou. Kotahi te he. Kaore i tiakina pai tia nga kekeno i enei tau kua hori ake, na reira kua iti haere.

Te Ranaka.—Tana whakahoki, Tera e homai e te Kawanatanga tetahi Pire poto hei whakatikatika kia pai ai te whakahaere i tona mahi patu kekeno, kia tukua i runga i te tikanga reti, a kia araia nga tangata e haere pokanoa ana.

Wi Pere.—Ka patai ki te Minitia mo nga Mahi Nunui, mehemea ka pai te Kawanatanga ki te hanga he waea ki Waiapu Whangaokena, ite mea he nui rawa nga tangata e noho ana kei taua takiwa. A e haere ana ratou e whitu te kau maero tae atu ki te iwa te kau maero ana hiahia ratou ki te patu waea. Koia ka tono ia kia whakaaro nui te Kawanatanga ki tenei mea.

Te Paranihi.—Ka mea, kei te hanga te waea i Turanganui ahu atu ki Uawa. Waiho kia tae ki reira ka ata whakaaro ai mo te mutunga mai o te mahi.