.gif)
Nga Korero Paramete: 1886-1890
Ture Whakapumau Take — Tika
Ture Whakapumau Take
Tika.
Tame Parata.—Me penei aku kupu mo tenei Pire: mo te taatahi i ata whakaarohia kia pa ki te Waipounamu anake, akuanei i whakatikaia i roto i te Komiti Maori kia pa ki nga motu e rua, a ahua wehi ana ahau kei waiho tena hei whakamate i tenei Pire. Ko nga rahui Maori i te Waipounamu e puritia ana e nga Maori e rihitia ana ranei na nga Maori ano inaianei ko nga whenua o nga Maori i Aotearoa e rereke ana te takoto. Ko etahi kua hokona kaa rihitia ranei e nga tangata no ratou te whenua. E wehi ana ahau i nga whakahe mo tenei Pire kei pa ki Aotearoa tere e arai i a matou i te hunga i te Waipounama i tetahi painga mo matou i roto i taua Pire. E hiahia ana ahau kia ki atu ki te whare mo etahi keehi e tino mana ai i raro i tenei tare. I te mea e tu nei au hei Mema mo te Komiti Mo Nga Mea Maori a maha nga pitihana a nga Maori kua tae mai e korero ana mo nga he i whakaekea ki runga i a ratou no te mea kahore o ratoa ingoa i uru ki roto i nga tiwhikete take; tekau anake nga tangata i whakaurua ki roto. Ki taka mohio he Pire pai rawa tenei a he nui te painga e puta ki nga Motu e rua. Otira e kore e taea e au te korero te tino painga o taua Pire ki Aoteroa. E tino mohio ana ahau mehemea ka pahitia e tenei Whare tenei Pire e kore rawa tetahi Pire i pahitia i mua e rite tona painga ki nga Maori penei me tenei. He nui tona painga ki te Waipounamu ta te mea ko te nuinga o nga whenua e paritia ana i runga i te tikanga te kau nei nga tangata ki roto i te Karaati. He maha nga Poraka e mohio ana au tekau tonu nga tangata ki roto i te Karaati. Ko ahau ano kei roto i te Karaati o etahi o aua Poraka a ko taku hiahia me te hiahia ano hoki o aku hoa i roto i nga Karaati kia kaua e apo erangi me tuku atu ki era tangata whai take kia rite tahi to ratou paanga ki to matou. Kua tae mai tetahi pukapuka ki au a tetahi hai nui i Kaiapoi tono mai ki au kia kaha ahau ki te tautoko kia paahi tenei Pire. E ki ana hoki ratou he pai rawa tenei Pire me te Pire Whakamana Karaati Maori. E kore au e whakaroa i te Whare inaianei erangi ka tono ahau ki nga Mema whakaaro tika kia pahitia tenei pire.
Wi Pere.—E te Tumuaki e hiahia ana ahau kia pa
tenei Pire ki Aotearoa me te Waipounamu hoki; e hiahia ana ahau kia
marama taku ngakau i runga i tenei take. E whakaaro ana ahau kahore
he tikanga e raruraru ai nga hia nga panga ranei a nga tini Maori. E
whakaaro ana ahau he mea tika kia whakaritea tetahi tikanga e uru ai
ko nga huanga anake o nga tangata kahore e hiahia ki te hoko hei
hunga whai take ki te whenua. E kore e uaua te kimihanga a te Kooti
ko wai nga huanga o nga tangata kahore e hiahia ki te hoko ka
whakauru ko ratou hei hunga whai take ki te whenua. E tino whakapai
ana ahau ki tenei Pire na te mea e tuku atu ana i te tika ki te iwi
kua nui nei to ratou mate. E whakaae ana no ahau kahore i hiahia tia
i roto i te Ture o te page 8
tau 1865 kia puta tenei he otira i puta ano hehe Na Ahakoa nga he o
taua tine he mea tika kia whakatikatikaia.