Turei, te 25 o Mei, 1886.
Takoha Whenua Maori.

Wi Pere.—I patai ki te Minita Maori mei kore e whakaae te Kawanatanga ki te whakatakato Pire i tenei Paremete hei whakatikatika i te Ture Pane Kuini mo te takoha e utua ana mo mo nga whenua Maori. Kia kaua e utua toputia erangi me puta ia tau ia tau. Me whakaatu e ia ki te Whare ko taua ture kei te arai i nga tangata e hiahia ana ki te whakanoho i nga whenua Maoai. Mehemea ka whakatikaia kia utua tau tia, tino pai atu, tino kaha te haere o te tangata ki runga ki te whenua Maori. No te pakeketanga o tenei ture kaore e kaha nga tangata moni iti ki te reti whenua. Ka riro i nga Kamupene me nga tangata moni nui anake nga whenua Maori. Kaua te Kawanatanga e hopohopo ka ngaro tetahi wahi o taua moni takoha ana utua tau tia i te mea ka pai noa atu kia whakaturia nga apiha kei ia takiwa hei kohi i aua moni, He nui ona tau e tohe ana ia kia whakatikaia te ture. He take nui rawa tenei a tera e puta he painga mo te Koroni mehemea ka whakamana e te Kawatanga taua tono.

Te Paranihi.—Tana whakahoki. E kore e whakaae te Kawanatanga ki te homai ture mo tenei mea i tenei nohoanga o te Paremete. Ko te ahua o nga moni of te Koroni te take.