page 22

Nga Tangata Herehere
Maori.
Wenerei, te 28 o Hurae, 1886.

Tame Parata.—I mea kua ki te Minita o nga Kaiwhakawa e tukuna ana te tupeka i roto i etahi Whare Herehere kua tukuna ki etahi herehere i Akarana me etahi atu wahi. Kei te neke noa ake te pai o te tupeka i etahi atu kai ki nga Maori me etahi Pakeha hoki a he nui to ratou mate ina tangohia te tupeka me ka maka ratou ki te whare herehere. He mea tika kia kaua e whakangawaritia te tikanga ki nga tangata kua kitea to ratou hara. Ki taku whakaaro kua whangawaritia nga tikanga ki etahi, he aha hoki te whakangawaritia inaianei. Ki taku whakaaro me whakaae te tono a te Whiti ki te Minita o nga Whakawa. Kua tae au kia kite ia te Whiti i tenei ra, ki taku whakaaro kihai i rite tona ora inaianei pera me tona ora i aia i te Waipounamu. A i te mea kahore ano kia kitea te hara o te Whiti kahore ano hoki i whakawakia ki taku whakaaro me tuku atu he tupeka mana haunga a te Whiti anake erangi ki ona hoa ano hoki mehemea kahore te Kawanatanga e pai ki te hoatu tupeka ma nga herehere me waiho ma a nga huanga o aua Maori e hoatu kahore au i hiahia kia whakanuia te korero mo tenei mea, Otira i te mea kua nui haere nga korero mo tenei mea me korero e au nga take katoa mo runga i te hereherenga o te Whiti. Kihai a te Whiti i takahi i te ture kihai i pa tana ringaringa ki tetahi tangata, kihai ano hoki ia i kohuru i tetahi tangata, ko te mea tika me whakawa nga take katoa mo runga i te tangohanga o nga whenua o te Whiti. Mehemea kahore te Kawanatanga e pai ki te hoatu he tupeka ma te Whiti ka tono atu kia tukuna ma ana huanga e hoatu he tupeka mana. Ki te tukuna kia puaretia ka unuhia e ahau taku tono kia whakawakia nga take kua whakaekea ki runga i a te Whiti. Inaianei ki toku whakaaro kua hoha te whare Heoi ka mutu aku korero.