Other formats

    TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1886-1890

Ture Tiaki Ika. — Turei, te 14 o Hurae, 1886

Ture Tiaki Ika.
Turei, te 14 o Hurae, 1886.

Tame Parata.—Me whai korero ahau mo tenei Pire ta te mea e pa ana ki nga Maori me nga hawhekaihe o Te Waipounamu. Kua tae mai he waea a etahi tangata o tera motu e ki mai ana kua rite ratou e whitu te kau e waru te kau ranei mo te haere ki te patu kekeno, he mahara no ratou kei te puare era mea. Kua tae atu taku kupu kia ratou, ka tutakina to mahi patu kekeno, a ka homai e te Minita mo era ta mahi he Pire whakahaere i tenei mahi. He mea nui tenei, me ata rapu te whare i tetahi ritenga marama kia waiho taua mahi hei painga mo te iwi mahi pera tae noa hoki ki to Koroni. E mohio ana ahau page 18 ahakoa e tutakina ana nga mahi kekeno, e haere tonu ana etahi tangata ki te patu. E hara i te mea e mohio ana ahau ki nga ingoa o nga tangata mahi kiri e patu pokanoa nei. otiia e ahua mohio ana ahau. Ko nga tangata o nga Kaipuke mahi weera etahi e pera ana. I tae atu ano te whakaatu kia mohio ai te Kawanatanga, otiia kihai i ata kitea. E tautoko ana ahau i tenei Pire ta te mea e mahara ana ahau he mea pai kia mauria mai ki te aroaro o te whare. E hiahia ana hoki au kia tiakina te whakahaere mo te mahi kekeno, ki taku whakaaro ko nga tangata katoa e whai raihana ana me watea ratou ki te maihi i taua mahi. Ki taku whakaaro he mea pai ake tenei i te tuku kia riro katoa taua mahi ma te tangata kotahi. Ki taku mohio ka rite tonu te mana o te tangata ki te mahi i taua mahi. E tae atu ana hoki etahi kupu i roto i tenei Pire ki te Ture Hamana Tarauta hoki otira kahore au i tino marama mo runga i tena. Kahore au i kite i te rite o te kekeno ki te hamana me te Tarauta ki taku mahara kaua tenei Pire e pa ki nga awa wai Maori e rangi mo nga whenua mahi kekeno anake ko te hiahia tenei o nga tangata mahi i taua mahi kia puare taua mahi kekeno ki te katoa ki taku mahara he mea tika kia motuhake tenei mahi i tetahi atu kahore e taea e ahau te tautoko i te Menemana kia whakakorea tenei Pire i tenei Paremete. Moreira ka tono ahau ki taku hoa mema kia unuhia taua menemana kia awhina hoki i runga i ana whakaaro kia pai ai te whakahaere o te mahi o tenei Pire, ki nga tangata katoa e pa ana ki taua mahi. Heoi kua mutu aku korero e mahara ana hoki au kua pau katoa nga korero te korero e te korero e te mema mo Invercargill.