Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1881-1885

Nga Hoko Ki Te Waipounamu

Nga Hoko Ki Te Waipounamu.

Tame Parata.—Ka patai ki te Kawanatanga mehemea ka pai ratou kia homai he ture i tenei nohoanga o te Paremete kia ahei ai te whakamana i te ripoata o nga Komihana mo nga hoko o Te Waipounamu? Kua kite hoki ia i taua ripoata me te pukapuka tohu tohu a te Minita Maori kia Te Mete, tetahi o aua Komihana, me nga utu mai hoki a Te Mete, ara ko tana kupu penei ko taua ripoata na raua tahi ko tona hoa Komihana. E tino hia hia ana ia kia pai rawa te utu mai a te Minita i te mea e pa nui ana tenei take ki te Koroni, ki te Waipounamu hoki.

Te Paranihi.—Tana whakahoki. I muri mai i tera Paremete ka anga atu te Kawanatanga kia Te Mete, tetahi o nga Tiati o te Kooti Whenua Maori, a i haere mai taua tangata ki Poneke kia korero tahi raua ko te Minita ki mai ana a Te Mete kaore kau he korero kei te toe, a he maumau moni mehemea ka whakaturia ano nga Komihana. Mo runga mo nga ritenga o taua mea kahore ano kia whai-taima te Kawanatanga ki te titiro i te ripoata me nga tini korero hoki otira ka ata tirohia e te Kawanatanga aua mea katoa mehemea kaore e oti inaianei ka whakaarohia i mua mai i tenei Paremete e haere ake ne, ko reira puta ai te whakaaro o te Kawanatanga.