Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Nga Korero Paramete: 1881-1885

Taite te 18 o Hune, 1885

Taite te 18 o Hune, 1885.

Tukunga Paura Me Era Tu Mea Ki Nga Maori.

Ka patai a Te Ao ki te Minita Maori heaha, ra te take kaore e whakaputaina ana enei mea ki nga Maori o Waikanae, Otaki, Manawatu me Rangitikei penei me te whakaputa ki nga Maori o etahi atu takiwa? Inalioki e puta tonu ana enei taonga ki nga pakeha i roto i nga marama katoa, engari ko nga Maori e whiwhi ana i roto i nga marama e toru anake ara, Aperira, Mei, Hune, ia tau, ia tau, kei toku takiwa, ka maringi tonu ki nga Pakeha, a he tekau kauna paura e tukua ana ki nga Maori tokomaha i te takiwa kotahi. Kaore rawa e rato nga Maori i runga i tenei tu whakahaere, ite mea he iwi mahi nui ratou ki nga kai o te ngaherehere, na kaore e tika kia araia peneitia ratou. Ki toku hia hia me kotahi pu te ture mo nga Pakeha me nga Maori hoki.

Te Paranihi ka whakahoki. Kaore ia i te mohio kei te rere ke te whakahaere mo nga takiwa e whakahuatia ra e te mema Maori. Engari e tukua ana te tikanga mo enei mea ki te apiha o te Kawanatanga o aua takiwa kei aia te ritenga. Ki tana mohio kaore he take e araia te hiahia o nga Maori pai, tika, ki te tango pera ia marama mehemea ke whakaaro pera ta ratou. Otiia me whokaatu e ia ki nga mema Maori, kaua rawa e puhia nga manu i roto i nga marama katoa. Kua rongo hoki ia kei te mahi pera nga Maori i etahi takiwa, kahore ia e ki kei te takahia te ture e nga Maori o te takiwa o taua mema, erangi kei etahi atu takiwa, e patu tonu ana nga Maori i nga manu. Na ko etahi manu e pai ana kia tiakina, ara he Tui, me era atu manu kei te ngaro haere i runga i te mahi kino a nga Pakeha me nga Maori. E tino tono ana ia ki nga mema Maori kia kaha ratou ki te tiaki pai i nga manu o ratou takiwa, a ka whakangairaritia e ia te ture kia whiwhi tika ai nga Maori pai i te paura, hota tingara.

Ture Take Kuri.

Ihaka Hakuene.—Ka patai ki te Kawanatanga mehemea kua oti ta ratou hurihuri mo te kupu whakaae mai a Te Minita Maori i tera tau mei kore e paingia te kape ki waho o taua Ture etahi takiwa Maori kia kaua e ekengia aua takiwa e taua ture?

Te Paranihi—Tana whakahoki he pera ano me tana kupu o te tau kua hori ake nei. Ara kei nga takiwa kua oti te hanga nga rori, e kore te Kawanatanga e whakamutu i taua ture. Erangi kei nga takiwa kaore he rori, ka ata whakaaro aro te Kawanatanga kia whakamutua taua ture. Erangi me haere mai taua mema kia korerorero raua.

page 12